Grafísk hönnun Borgarholtsskóla 2021

Lokasýning útskriftarnema í grafískri hönnun í Borgarholtsskóla var haldin dagana 19. – 21. maí síðastliðinn í Borgarbókasafninu í Spönginni. Alls sýndu 10 nemendur lokaverkefni sín og ferilmöppur sem unnin voru í verkstæðisáfanga á lokaári undir leiðsögn Ara Halldórssonar, Kristínar Maríu Ingimarsdóttur og Kristínar Þóru Guðbjartsdóttur.

Öll verkin á sýningunni, ásamt ferilmöppum nemendanna, er að finna á þessari vefsíðu. Vefsíðan kallast Gallerí 208 sem er númerið á kennslustofunni þar sem lokaárið hefur jafnan aðsetur. 

Eitt af verkefnum vetrarins var að gera tillögu að plakati fyrir lokasýninguna og kom það í hlut Söru Sóleyjar Ómarsdóttur að fullvinna þá tillögu sem hér má sjá.